Turgåar høyrde rop om hjelp
Politiet rykte ut og tok med seg ein mann, mistenkt for vald mot sambuaren.
Onsdag i 21-tida fekk politiet melding frå ein som var ute og gjekk tur.
– Vedkomande hadde høyrd rop om hjelp frå ein bustad, fortel politioverbetjent Terje Sperrevik.
Politiet rykte ut og ein mann blei pågripen, mistenkt for vald mot sambuaren sin.
Sperrevik vil ikkje ut med detaljar, men seier det har vore ei rekkje ulike saker med bråk i heimen den siste veka.
– Er det ein tendens som går igjen i ferietider?
– Konfliktane er forskjellige, og det kan vera tilfeldig at det kjem fleire innan same tema så tett.
– Men det er mogleg at juleferie og sommarferie kan få det til å blomstra opp, seier Sperrevik.
Krisesenter og andre institusjonar fortel om auke av familievald i ferien, men at det også kan vera vanskelegare for politi og andre å fanga opp valden som skjer i feriar.