Samferdsle | 19. juni 2024
Tre dagar med omkøyring via Finnebrekka
Marknadsdagane startar torsdag. Samtidig er Giskavollen stengt.
Kjetil Vasby Bruarøyonsdag 19. juni 2024 20:19
I morgon startar Marknadsdagane i Os, som varer frå torsdag til og med laurdag.
Det betyr at Øyro blir stengt for gjennomkøyring i tre dagar, men berre i seks timar per dag.
– Vi stenger klokka 10 og opnar klokka 16 alle tre dagane, seier Christoffer Kobbeltvedt frå Fjordfolk.
Fjordfolk arrangerer Marknadsdagane for Os Sentrumsforening.
– Øyro blir stengt ved Malina og mellom Catten og Skaparstovo, så bilar kan koma seg bak Fana Sparebank for å parkera.
Samtidig er Giskavollen, grunna gravearbeid, stengt ved Jordmorsvingen.
– Det betyr at det desse timane berre er éin veg til og frå Landboden, Giskavollen og Oshaugen - via Finnebrekka, opplyser Kobbeltvedt.
