Trassa regnet
Bildeserie: Fredag klokka fem er det opning av Osøren Blues & Jazzfestival, men allereie torsdag drog dei i gong med oppladning til festivalen.
Bildeserie:
Ein regntung torsdagkveld var det duka for festivaljam på Peppes Pizza. Rundt 80 billettar og 40 festivallpass var selt når klokka var ni, men i ellevetida var det i underkant av 200 personar under telttaket på Peppes.
- Det var ein fantastisk kveld, fortel festivalsjef Gunnar Nagel Dahl.
- Dei som ikkje var her kan angra.
Fleire tok scena
Fleire av artistane som skal spele på festivalen i helga var tilstades og fleire av dei tok etter kvart scena.
- Til og med Wolf Mail, som skal spela på opninga i morgon, gjekk på scena, det var utrulig artig, seier Nagel Dahl.
På scena kunne ein i tillegg få med seg Lizzard, Sambandskameratane, H.M Johnsen Band og Magnus Berg bluesband. Daniel Knutsen brillierte også med fantastisk gitarkunstar på scena.
- Vi sel godt med billettar og ser ut til å komma i mål økonomisk, fortel ein nøgd Nagel Dahl.