«Torsdag i tunet» med «heis»-vri.
«I heisen med...» frå NRK vert torsdag til «I kyrkjetunet med...» når Torsdag i tunet (TiTT) testar ut ein ny vri.
Komande torsdag startar Torsdag i tunet, eller Titt, opp igjen. På plakaten har dei ein nytt konsept som dei vil prøva ut på arrangementet i Kyrkjetunet.
– Mange har sett tv-programmet «i heisen med...» på NRK 1. Titt lager no sin eigen variant av dette konseptet, og inviterar publikum til å lytta til nokre refleksjonar omkring tema som vennskap, livskvalitet og tru, og kanskje andre spørsmål, seier kyrkjeverje Gerhard A. Hansen.
Vanlege folk
Førebels er det ikkje planlagt fleire torsdagar med dette konseptet.
– Vi får sjå korleis det går denne gongen først. Tidlegare har vi invitert og oppfordra ein person til å koma og snakka litt om enkelte tema. Men då har dei vore budde på førehand.
– Vi har invitert ein kjend lokal kunstnar og ein lokal byråkrat frå Osbygda til samtale " i heisen" . Spørsmåla får dei presentert der og då; så får vi lytte og kanskje undre oss saman. Kven dei skal samtala med vert er ein hemmelegheit. Men det er det eg vil kalla vanlege folk.
Spent på mottaking
–Det einaste dei veit er kva tema det er planlagt å snakka om, men korleis dette vert vinkla og kva spørsmål dei får, det veit dei ikkje. Dette kan bli veldig bra, men det er kanskje litt risiko-sport også. Vi veit ikkje korleis dette vil fungera. Men det er spennande å høyra korleis andre tenkjer og resonnerer.
Alle er velkommen til å koma og lytta og reflektera kring dei same spørsmåla i Kyrkjetunet torsdag kveld.
– Ramma rundt kvelden blir som vanleg, med litt musikk, eit enkelt kveldsmåltid, og refleksjon kring eit tema.