Tok overdose på bussen
Torsdag kveld blei ein mann tatt for promillekjøring på Ulven, natt til fredag låg ein busspassasjer strak ut.
Torsdag rundt klokka 21.30 blei ein bilførar stoppa i Ulvenvegen.
– Førar, ein mann i 30-åra, er mistenkt for promillekjøring, fortel politioverbetjent Terje Sperrevik.
Klokka 01.20 natt til fredag fekk politiet melding om ein busspassajser i 20-åra som låg nesten livlaus i ein buss på Osøyro terminal.
– Han pusta, men var bevisstlaus. Ambulansepersonell tok seg av han, men vi mistenker bruk av narkotika og har oppretta sak, fortel Sperrevik.
Ransaking og snoking
Torsdag var politiet på ransaking i ein bustad, hos ein som er mistenkt for heleri.
– Vi fann ingenting.
Politiet fekk også melding om ein som gjekk å snoka rundt bilar på parkeringplassen på AMFI Os.
– Han forklarte at han berre var litt interessert i bilar. Vedkomande er utestengt frå Amfisenteret, så han blei vist vekk frå staden.