Tok lang Rosa sløyfe-løype på Kuventræ

Rosa sløyfe-løpet har vore ein suksess sidan 2015, med løp over heile landet, blant anna i Bergen, som dei siste tre åra har hatt flest deltakarar.

Løpet støttar Kreftforeningen og Brystkreftforeningen sin Rosa sløyfe-aksjon, og blir i år arrangert viruelt over heile landet.

Oppskrifta er enkel; Meld deg på, gå eller spring 3 eller 6 kilometer, registrer resultatet ditt på nett. Rosa sløyfe-løpet kan gjennomførast på valfri dag frå 4. til og med søndag 11. oktober.

– Vi er ein gjeng med osingar som har deltatt i Bergen dei siste tre åra, og som hadde plan om å delta i år òg.

– Då dette blei virtuelt så valte vi onsdag å samla oss på Kuventræ for å gjennomføra i lag, fortel Anne Marit Skjeie.

Dei 16 løparane valte lang løype, 6 kilometer, og gjennomførte med stil.

– Også menn kan få brystkreft, og dei kan naturlegvis støtta saka, så det var kjekt at vi òg hadde tre menn med oss.

Deltakarane var kledde i rosa. Med påmelding får du òg både startnummer og premie, men gruppa valte å lata startnummeret ligga.

– Konkurranse er ikkje det viktigaste på dette løpet, men å støtta ei god sak samtidig som du får mosjon, seier Anne Marit.

Sjølv kom ho ifølgje eqtiming.com på 31. plass av rundt 1.650 kvinner i Bergen i fjor, nummer 2 i klassen kvinner 55 til 59 år. Året før var ho endå raskare.

– Eg har inntrykk av at det er fleire løpemiljø og privapersonar i Os som deltar. No er det meldt fint løpevêr i helga, så det er berre til å henga seg på, oppmodar Anne Marit.

• Les òg: Rosa sentrum i heile oktober

Om Rosa sløyfe-aksjonen

• Målet med Rosa sløyfe-aksjonen er å vise solidaritet med brystkreftrammede, spre informasjon og øke kunnskapen om brystkreft samt å støtte brystkreftforskning.
• Rosa sløyfe-aksjonen er en internasjonal folkebevegelse. I Norge står Brystkreftforeningen og Kreftforeningen sammen om aksjonen.
• Rosa sløyfe har sitt opphav i USA der amerikanske kvinner på begynnelsen av 1990-tallet krevde større bevilgninger til brystkreftforskning. Siden den gang har organisasjoner, bedrifter og privatpersoner viet oktober måned til Rosa sløyfe-aksjonen.
• Aksjonen har blitt arrangert i Norge siden 1999 og den har bidratt med over 280 millioner kroner til forskning på brystkreft.