Tok berre eitt poeng
Lysekloster har ein imponerande debut i 3. divisjon, men hamna to poeng bak serieleiar Stord i nest siste runde.
Lysekloster har lagt på og rett under toppen av tabellen store delar av sesongen, men etter to bortetap på rad låg dei a-poeng og 20 i målforskjell bak serieleiar Stord før nest siste runde blei spelt laurdag.
Heller ikkje i denne runden blei det full pott til Lysekloster.
Kopervik - Lysekloster 1-1
Målskårar, Lysekloster: Baste Jonassen
– Eg følte vi hadde full kontroll på kampen, men det blei dessverre med mitt eine mål, seier Baste til Midtsiden.
Stord vann 0-1 borte over Åkra og drog med det to poeng ifrå før siste runde.
Tviler på opprykk
Stord møter Vardeneset på 3. plass i siste runde, Lysekloster møter Fyllingsdalen 2, som ligg nest nedst på tabellen.
Likevel trur ikkje Baste på at dei kan innta førsteplassen og ta sitt femte opprykk på rad.
– Det kan godt henda at Vardeneset slår Stord, men vi får nok ein tøff heimekamp. Fyllingsdalen har i dei siste rundane toppa opp andrelaget sitt for å berga plassen, og stiller nok knallsterkt i Lysefjorden neste helg, trur Jonassen.
Siste runde, som for Lysekloster sin del går på heimebane, startar klokka 15 laurdag.