Samferdsle | 08. feb. 2023
To vassleidningsbrot i Os
Onsdag morgon vakna mange osinger utan vatn i springen.
Eirin Eriksen Horveionsdag 08. feb. 2023 08:28
– Vi har to vassleidningsbrot i Os sentrum, eitt i Midtskogvegen og eitt i Jordmorsvingen. Vi jobbar med å få vatnet tilbake, opplyser Bjørnafjorden kommune.
Midtskogvegen er stengt for trafikk frå Midtskogvegen 12 til kryss med Laksavegen.
Brannvesenet fekk melding om brotet i 05-tida i natt. Bergen Vann er på staden, Løvaas Maskin er leigde inn for å grava.
Kokevarsel
– Når vatnet kjem tilbake anbefaler vi at alt vatn til drikke, matlaging og tannpuss kokast før bruk.
Vassvogn er sett ut ved Midtskogvegen 12.
Meir informasjon kjem på kommunen sine nettsider.
Saka blei oppdatert klokka 08.45.
