To syklar stole frå same stativ

Måndag i 19.30-tida fekk politiet melding om tjuveri av to syklar.

– Det sto parkert i stativ tilknytt ein bustad aust for Oselvo, opplyser vakthavande ved Bjørnafjorden politistasjon.

Dei sakna syklane er syklar for vaksne, den eine er grøn, den andre er blå og kvit.

– Det er foreløpig ingen mistenkte. Vi ventar at forholdet blir meldt.

Politiet kjem samtidig med nokre oppfordringar til sykkeleigarar:

• Bruk sykkel-lås
• Hugs å merka sykkelen din, gjerne med ID-merking
• Skriv namnet ditt på sykkelen på ein stad som ikkje er lett synleg
• Ta bilde av sykkelen og noter deg rammenummer

– Det hender at vi kjem over syklar som nokon har sett frå seg. Viss vi har rammenummer eller anna merking, er det lettare for oss å veta om den er stolen og å finna eigar.