Korona | 25. juni 2021
To avdelingar i karantene
To ungar har nærkontakt i ein annan kommune som er smitta.
Kjetil Vasby Bruarøyfredag 25. juni 2021 12:59
To barn i Skorvane FUS barnehage er nærkontaktar til eit påvist covid-19-tilfelle i ein annan kommune, og er sett i karantene, opplyser Bjørnafjorden kommune.
Barna og tilsette i to avdelingar ved barnehagen må vere i ventekarantene til dei to nærkontaktane har testa negativt på første test.
Testresultatet er truleg klart i morgon, laurdag.
– Barn i ventekarantene treng ikkje testa seg, med mindre dei har symptom på luftvegsinfeksjon, seier kommuneoverlege Klaus Melf.
Familien/husstandsmedlemmene til barn i ventekarantene, treng ikkje vere i ventekarantene, med mindre barnet har symptom.
Barnehagen har informert føresette og tilsette.
