Tilsnakk og skummelt tre
Éin mc blei avskilta, to sjåførar fekk tilsnakk og brannvesenet blei sendt ut for å fjerna eit stort tre frå innseglinga til Os hamn.
Tysdag fekk politiet melding om at eit stor tre låg og flaut i fjorden, i innseglinga til Os hamn.
– Det var skyssbåten som varsla. Vi kontakta brannvesenet som fekk treet vekk, seier politioverbetjent Terje Sperrevik.
Tilsnakk og avskilting
Éin mc-førar fekk i går pålegg om utbetring av skilt, som var vippa opp, noko som er eit gjentakande problem på mopedar og motorsyklar.
Ein annan motorsykkel blei i går avskilta grunna begjæring.
– Ein bilist fekk tilsnakk etter høg fart ved Ulvenskiftet, ein vogntogførar fekk tilsnakk etter ikkje å ha vore varsam nok ved stoppskiltet i Lepsøykrysset.
Biljakt på Halhjemsvegen?
Tysdag i 20-tida fekk Midtsiden melding om at det såg ut som om det var biljakt på Halhjemsvegen.
– Vi såg ei forbikjøring vi reagerte på, og ville ha ein prat med bilførar. Vi snudde og kjørte etter, men fann ikkje vedkomande igjen, fortel politibetjent Sindre Hallem.