Til semi i A-sluttspelet
Søre Neset rauk ut før finalen i B-sluttspelet, men to jenter frå Os er no klare for semifinale i Norway Cup.
Søre Neset sine juniorjenter kom til B-sluttspelet i årets Norway Cup, og tok seg heilt til semifinale.
Men der blei det stopp, det unge laget frå Søre Neset tapte 0-7 for Trio.
Tidlegare Os-spelar Dorte Holen, som i vår gjekk til Smørås, kom seg til A-sluttspel med laget sitt, men tapte 0-1 for Varden i 1/16-finalen.
Vann kvartfinale fredag
Os J16, som kom på 3. plass i 1. divisjon i vår, har lånt ut to spelarar til serievinnar Hetlevik i Norway Cup.
Dei kom på 2. plass i pulja etter to sigrar og eit tap, men har tatt seg fint vidare i A-sluttspelet.
Etter 8-0-siger i 1/32-finale og 4-0 i 1/16-finalen blei det 2-0-siger over KFUM Oslo i gårsdagens 1/8-finale og kvartfinale fredag formiddag.
Jentene frå Os, som også kom til kvartfinale med eige lag i fjor, vann med Hetlevik i dag 1-0 over Porsanger og er med det klare for semifinale.
Semifinalen går mot Raufoss, som slo Oppegård 4-1 i ein av dei andre kvartfinalane.
Kampen går klokka 17 fredag ettermiddag.