Til den indre byen på Vedholmen
Hilde Kjønniksen er neste kunstnar ut på Vedholmen Galleri - Finding Neo står for tonefølgjet på laurdagens opning.
Bildeserie:
Før jul fortalde Vibeke Harild at galleriet i Øyane planla 10 ulike utstillingar i 2019.
No er det klart for Hilde Kjønniksen.
Kjønniksen er frå Arendal, men bur og jobbar i Bergen. Ho er utdanna ved Kunsthøgskulen i Bergen, avdeling Kunstakademiet i 2002, og i tillegg til fleire større separartutstillingar, har ho fleire utsmykkingsjobbar bak seg.
Kunsten hennar kan du til dømes sjå på Fana Kulturhus og på Fysak Allaktivitetshus i Bergen.
Utstillinga som opnar på laurdag har fått namnet «Skottegaten - Maleri».
Kunstnaren fortel sjølv at maleria er forankra i minna sine til tider opprivande røyndom og sanning.
Finding Neo er tilbake
Bandet med det fengjande namnet, og med medlemmer som tidlegare har gått ved Kongshaug, er ikkje ukjende for publikummet på Vedholmen Galleri.
På laurdagens vernissage kjem dei attende, denne gongen med eit terningkast fem (frå Stavanger Aftenblad) i bagasjen for debutalbumet «Hits For Neokids»
Utstillinga til Hilde Kjønniksen står til 31.mars.