Tid for Hjem i Strøno i kveld
– Kjøkkenet var frå 70-talet, det var godt å sleppa å ta det sjølv, seier Kenneth Moland.
Bildeserie:
Programleiar Kjersti Bergesen og laget hennar av handverkarar, med Einar Nilsson og Andreas Nygaard, har pussa opp rom etter rom frå 2004 til i dag, også fleire i Os.
No er dei klare med ein episode frå Nordstrøno.
– Kjøkkenet er det originale frå huset var nytt i 1979, fortel Kenneth Moland.
Kenneth vaks opp i huset som han seinare har kjøpt. Han jobbar som røyrleggar, og har saman med Therese Vestheim pussa opp fleire rom.
Men kjøkkenet bestemte dei seg for at andre kunne få ta. Dei søkte om å få Tid for Hjem-gjengen på besøk, og fekk gjennomslag.
– Vi har jo sett på programmet før, og liker det meste dei har laga. Vi var både glade og spente då dei sette i gang veka før påske i fjor.
Resultatet og reaksjonen kan du sjå på TV 2 frå klokka 20 i kveld.