Lokal | 21. juni 2012
Taua bil - taua mann
Ein bil havarerte på Halhjemsvegen i går - ein mann havarerte, mistenkt for bruk av narkotika, på Amfisenteret.
Kjetil Vasby Bruarøytorsdag 21. juni 2012 09:48
Onsdag ettermiddag fekk politiet melding om bil i grøfta på Halhjemsvegen ved Lepsøykrysset.
– Ein bil med hengar, som hadde ein annan bil på hengaren, havarerte. Føraren kjørte den kontrollert ut i grøfta utanfor motsett kjørefelt før vi blei kontakta, fortel lensmann Rasmus Dalen.
Politiet var også på Amfisenteret onsdag. Der tok dei hand om ein rusa mann på rundt 30 år.
– Patruljen tok han først til legevakt for sjekk. Han kom seg etterkvart som tida gjekk, så han blei dimittert etter legebesøket.
– Men det blir oppretta sak på episoden, for han er mistenkt for å ha brukt narkotika, opplyser Dalen.