Tatt på fersken etter tjuveri

Like før klokka halv to natt til i dag fekk politiet melding om tjuveri i ei bedrift i Os sentrum.

Politioverbetjent ved Os Lensmannskontor, Anne Lyssand, fortel at det var betjeninga ved bedrifta som melde ifrå om tjuveriet.

– Dei tre ungdomane, alle i alderen 15 til 16 år, vart ferska då dei stal frå bedrifta. Politiet vart varsla, og ungdomane vart etterkvart teke hand om av barnevernsvakta.

Lyssand legg til at ungdomane ikkje var heimehøyrande i Bjørnafjorden kommune.