Tatt med narkotika
Politiet: Ransaking gav funn av narkotika. Båthenger stole på Hatvik. Mørklagt firehjuling på Strønevegen. Mangla skilt, fekk forenkla forelegg.
Torsdag traff politiet ein mann i Industrivegen som dei mistenkte kunne ha narkotika på seg.
– Dette førte til ransaking heime hjå mannen, kor det blei beslaglagt narkotika.
Mannen i slutten av 20-åra slapp å bli fengsla, men det blir oppretta sak og gjort ytterlegare etterforskning.
Stal båthenger
Politiet har fått melding om at ein båthenger skal ha blitt stolen frå Hatvik.
– Det er litt uvisst om når hengeren forsvann, seier politioverbetjent Terje Sperrevik.
Trafikkfarleg 4-hjuling
I 20-tida torsdag kveld skal ein 4-hjuling uten lys ha køyrd over Ulvensletta og vidare på Strønevegen.
– Meldar fortel at 4-hjulingen ikkje hadde lys, men at det var ein moped med lys som køyrde både foran og bak denne.
– Det kan virke som om mopeden har freista å vera lyskilde for 4-hjulingen, men det held ikkje.
– Slik køyring er trafikkfarleg, slår politioverbetjenten fast.
Meldar skal ha truffe doningane både frå og mot Os.
Tatt uten skilt
I Lepsøy-området torsdag kveld traff politiet ein bil uten registreringsskilt foran.
– Bilen blei stoppa og føraren blei ilagt eit forenkla forelegg på 2000 kroner, i tillegg til ordre om å få skiltet på plass, avsluttar Terje Sperrevik ved Os lensmannskontor.