Tatt i 148 km/t
Han prøvde truleg å rekka ferja, men kan nok førebu seg på soning, mannen som i går blei den fjerde på éi veke som mista førarkortet på Hatvikvegen.
– Vi har no hatt ni førarkortbeslag på Hatvikvegen og Hegglandsdalsvegen få månadar, seier politioverbetjent Terje Sperrevik.
Torsdag klokka 17.10 blei ein bil målt til 148 km/t i 80-sona på Hatvikvegen.
– Føraren, ein mann i slutten av 40-åra, skulle truleg nå ei ferje, men dette er farleg fort uansett kva du skal nå. Vi har hatt dødsulykke på Hatvikvegen før.
– Møter du fotgjengarar eller møtande trafikk som svinger ut for turgåarar, eller tar forbikjøring, så kan det bli vanskeleg å bremsa og manøvrera i 148 km/t.
Søndag var det to bilistar som mista førarkortet på Hatvikvegen. Torsdag for ei veke sidan tok UP eitt førarkort på Hatvikvegen og eitt på Hegglandsdalsvegen.