Tapte for Loddefjord
Os spelte treningskamp mot nyopprykka Loddefjord.
Etter siger i tre av tre treningskampar spelte Os i går borte mot Loddefjord.
Loddefjord har blant anna dei tidlegare Lysekloster-spelarane Kevin Berg, Joachim Westrheim og Marius Bildøy i troppen.
Heimelaget gjekk i føringa, men Os utlikna etter sjølvmål då keeper mista eit innlegg av Torgeir Lunde i nota.
1-1 sto seg til pause.
Vertane gjekk opp i 3-1 før Os reduserte ved Anders Myking Waagan.
Kampen enda 4-2 til Loddefjord.
Os starta med dette laget: Os: Kasper Færøvik - Anders Havsgård, Szymon Walczak, Sverre Spangelo Haga - Thomas Spilde, Torgeir Lunde, Jonathan Mjånes Lund, Mathias Dahl - Henrik Tysse Sperrevik, Daniel Kvalvågnes og Anders Myking Waagan.
Loddefjord sto med 16-4-2 og heile 77-31 i målforskjell då dei vann BA-ligaen i fjor, speler i Os og Lysekloster si naboavdeling i Norsk Tipping-ligaen i år.
Sist Os møtte Loddefjord i serien var i 4. divisjon i 2018. Då vann Os 6-0 heime.
