Supert kalveslepp
NRK Super på bondens dag for å filma til serien «Dyrevenn», moteshow og auksjon. Mangfaldet var stort i sentrum laurdag.
Bildeserie:
Laurdag var det bonden, kortreist mat og dyr som sto i fokus i Os sentrum og på kyrkjeflaten.
Klokka 1230 var tida komen for å sleppa kalvene laus på Kyrkjeflaten, denne gang med NRK Super på lasset.
– Malin i Dyrevenn er her for å få filma avslutninga av ei episode kor ho har følgd to jenter, ei frå Os oppvaksen på gard og ei frå Bergen som har gått i "lære", fortalde Olav Botnevik, primus motor frå Bondelaget.
Det var ikkje berre kalver ungane fekk møta på Kyrkjeflaten, både sauer, høns, gjess og hestar sto klare for å bli klappa og kost med. Spesielt populært var det å få ein ridetur rundt Kyrkjeflaten.
Tøffe bønder på scenen
Før kalvesleppet fekk fleire av bøndene i Osbygda utfordra grensene sine då dei gjekk mannekeng for å visa haustmoter frå eit par av butikkane i sentrum.
– Dei var kjempeflinke, oppsummerte motedronning Tove Tvedt Skarstein.