Superladarane har landa
Os får 14 ladepunkt av ny type frå Tesla.
Bildeserie:
For om lag ei veke sidan blei det stadfesta at den planlagte bygginga av stasjon for «Tesla Supercharger» kom i eit hjørne på parkeringsplassen til Rema 1000 Kuven stasjon.
Onsdag ettermiddag blei ladestasjonane leverte.
– Dette er den fjerde stasjonen vi bygger for Tesla, fortel brørne Stig Ove og Atle Tjosås frå Hardanger Maskinstasjon AS i Øystese.
14 ladepunkt
Men Tesla-ladepunkta i Arna, Norheimsund og Voss er ikkje heilt like med den som er i ferd med å reisa seg i Os.
– Det er den første vi bygger med denne typen ladepunkt, dette ser ut til å vera ein endå nyare variant.
Tesla Supercharger kan lada batteriet i ein Tesla til topps på 30 minutt.
Før ankomst av stasjonen er det bygd ein ny, kraftig transformator på staden.
Plassen får sju ladestasjonar, kvar med to ladepunkt. Entreprenørane, som forresten er brørne til kommunalsjef Aina Tjosås, reknar med å vera ferdig med arbeidet i Os om ei veke.