Strønevegen blir forkjørsveg
OPPDATERT: Merker vegbanen i dag, midlertidige skilt kjem straks på plass.
Bildeserie:
I august presiserte vegvesenet vikepliktreglane langs Ulvenvegen og Strønevegen (fv 5154).
Samtidig fortalte dei at vegen skulle bli forkjørsveg.
I dag starta vegmerkinga. Blant anna er Irgenskrysset og krysset ned til Kysthospitalet i Hagavik markert med vikeplikt i vegbanen.
Men skilta er førebels ikkje kome opp.
– Eg reknar med at skilta er rett rundt hjørnet, men skal undersøkja, seier Håvard Ødegård frå Statens vegvesen.
– Om skilta ikkje kjem opp, kva reglar er det då som gjeld?
– Der er ikkje eg rette mann å spørja, svarer Ødegård.
Det kan med andre ord vera lurt å vera ekstra varsam på fylkesveg 5154 dei neste timane.
OPPDATERT: Like etter at vi publiserte saka fekk vi ei tekstmelding frå Ødegård kor han skriv:
– Skilt skulle ha vore på plass samstundes som oppmerkinga, men det har dessverre skjedd ei misforståing i utføringa.
– Vår entreprenør vil i løpet av dagen setja opp alle nødvendige skilt knytt til forkjørsreguleringa, på laus fot, som ei mellombels løysing. Permanente skiltoppsett blir sett opp i løpet av veka.