Strålande start på vinterferien
Det ligg to meter snø i fjellet og det er meldt skyfri himmel til og med måndag. Tips: Her kan du sjekka turski-forholda i og rundt Bergen.
I morgon er siste skuledag før vinterferien i Hordaland. Både i låglandet og i fjellet er det meldt strålande vêr i starten på vinterferien.
Det er meldt skyfri himmel frå fredag til og med måndag, lettskya dei to neste dagane og litt nedbør frå torsdag av.
Sjå detaljert vêrmelding for Eikedalen på Storm.no.
Her er snødjupnene (i nedfartane) ved dei tre nærmaste av dei større alpinanlegga rundt Os:
Eikedalen Skisenter
Høgdeforskjell: 470 meter (920 - 450 meter)
Snødjupne oppe: 135 cm
Snødjupne nede: 125 cm
Voss Fjellandsby
Høgdeforskjell: 610 meter (1.060 - 460 meter)
Snødjupne oppe: 200 cm (300 cm utanfor løypene!)
Snødjupne nede: 100 cm
Voss Resort
Høgdeforskjell: 679 meter (964 - 285 meter)
Snødjupne oppe 180 cm
Snødjupne nede: 80 cm
Enkelte arrangement er det også i og ved bakken i vinterrferien.
Ved sidan av å ha kveldskjøring frå tysdag til og med fredag, har Eikedalen besøk av Coca Cola torsdag 28. februar, der brusprodusenten lager gratis skirenn i barneområdet.
Ved dei noko større turistdestinasjonane på Voss er det eit meir omfattande program, Voss Fjellandsby startar ferien med skimesse laurdag og søndag, og følgjer opp med skirenn, Kids Klubb og moteshow.
Også i Bavallen er det skirenn, moteshow, aking og ulike kurs.
Sjekk skiføret i Bergen!
Er du mest glad i å stå på turski? Om du ikkje vil kjøra så lang for å ta ein skitur kan du sjekka forholda rundt Bergen på facebook-sida Skiføre i Bergen.
"Ypparleg for skøyting i går kveld, blir nok enda bedre i dag" skriv ein av brukarane av sida om løypene på Totland/Frotveit.