Sport | 06. sep. 2009
Strålande cupstart
Med noko så sjeldan som sol på ein laurdag fekk Lysekloster Cup ein draumestart.
Kjetil Vasby Bruarøysundag 06. sep. 2009 01:12
Bildeserie:
1 av 6
Lysekloster idrettslag arrangerer fotballcup i helga, og dei ferske cuparrangørane var så heldige at den første godvêrslaurdagen på to månadar hamna på første cupdag.
Cupen er for gutar og jenter mellom 7 og 12 år, og 62 lag frå Os og nabokommunane har meldt seg på.
Medan det var full aktivitet både på banen og i salsteltet gjekk dei som hadde pause frå kamp i hoppeslott, rutsjebane eller på det flotte friidrettsanlegget for å leika seg. Både friidrettsanlegget og fotballbanen sto ferdig oppgradert i fjor.
Lysekloster Cup blei eit fint høve for små og store å sjå det nye anlegget.
Her er nokre bilde frå første cupdag: