Størst nynorsk-auke i landet

Per i dag er Os kommune den fjerde største nynorsk-kommunen i landet, etter Stord, og jær-kommunane Hå og Time, melder framtida.no.

(Framtida.no er ei redaksjonelt uavhengig avis, som har som mål å styrkja nynorsken og bidra til å auka og få fram engasjementet til unge.)

Oppmodar om nynorsk

Os hadde den største veksta i talet nynorskelevar i år samanlikna med i fjor.

Kommuen kan skilta med ei auke på 122 nynorsk-elevar.

Samstundes går talet på bokmålselevar ned i Os.

– Me oppmodar foreldre til å velja nynorsk som hovudmål for elevane sine, seier ordførar Terje Søviknes til framtida.no.

– Det gjer me fordi nynorsk er ein del av identiteten vår som nynorskkommune. I tillegg er det ein kostnad med klassedeling som følgje av språk, og ikkje storleik på klassane, seier han.

Siktar mot toppen

Dei fleste kommunane med auke er vekstkommunar langs vestlandskysten. Os kommune er den av vekstkommunane rundt Bergen som har flest nynorskelevar. Om veksta held fram kan Os toppa statistikken om få år.

Totalt sett er det 76.389 elevar med nynorsk som hovudmål, 24.118 av desse i Hordaland. Av desse igjen er 2.256 i Os kommune.