Større beslag av amfetamin hos kvinne

Torsdag kveld blei ei kvinne i 30-åra stoppa av politiet då dei møtte ho utandørs eit stykke utanfor Os sentrum.

– Vi fann noko stoff på kvinna. Det ser ut som amfetamin, men skal til analyse, fortel politioverbetjent Audun Hadler-Olsen.

Politiet følgde opp med ransaking på kvinna si adresse. Der fann dei nokre tablettar og eit større parti av noko som truleg er amfetamin.

– Kvinna blei køyrd til arresten i Bergen og skal i avhøyr i dag.

Politiet vil førebels ikkje seia meir om storleiken på beslaget, eller om dei mistenker at kvinna òg har drive med omsetnad av narkotika.