Store konvoiar i Os og Lysefjorden
Lesarbilde og videoar frå Os, Lysefjorden og Søfteland.
Mens konvoien i Øyane vaks til minst 177 båtar i år, blei det gjennomførbart i Os sentrum og ei auke i Lysefjorden for same type pandemivenleg markering.
– Vi diskuterte det i fjor òg, men då var det ikkje noko særleg oppslutnad. Men då eit medlem spurde i år, såg vi raskt at fleire ville vera med, seier Benkt Nordahl-Pedersen, leiar i Os Båtklubb.
– Nokre meinte vi var 87 då vi passerte Solstrand, andre meinte vi var over 100 båtar som passerte Os. Uansett blei det ein flott konvoi og ei kjekk oppleving for mange.
Første del av konvoien svingte innom Os hamn.
Ruta gjekk frå Vargavågen, der Os Båtklubb har brygge og lokale, til Moldaneset, tilbake inn Hauglandssjøen og rundt Ytterøya før retur til Varga.
I Lysefjorden var det konvoi både i 2020 og i går.
– Ho som tok initiativet i fjor hadde ikkje plan om å laga til noko i år, så då overtok eg stafettpinnen, seier Glenn Thodesen.
Han deltok saman med rundt 30 båtar i fjor, i år blei det omtrent det tredoble.
– Eg høyrde både 69 og 76 frå folk som prøvde å oppsummera.
– Interessa var stor, alt frå robåtar til store seglbåtar deltok. Nokre tok rett nok berre delar av ruta, og gjekk i land for å gå tur på Lysøya.
Det betyr at i alt rundt 400 båtar deltok i dei tre konvoiane.
Bildeserie:
Også på Søfteland var stemninga god.
Korte tog gjekk på gamle stiar, så var det samling langs E39 for å sjå Os Amcar Club sin kortesje.
Bildeserie:
