Lokal | 21. feb. 2016
Stor vasslekkasje i Kolabakkane
270 hus er utan vatn etter leidningsbrot søndag kveld.
Kjetil Vasby Bruarøysundag 21. feb. 2016 21:49
– Vi har eit stort leidningsbrot i Kolabakkane, fortel Torunn Paus, teknisk vakt i Os kommune.
Dei første meldingane om mogleg lekkasje kom inn i 19-tida. No er lekkasjen lokalisert, vasstrykket redusert og melding sendt ut til 270 bustadar.
– Kolabakkane, Giljavegen, gamle Kuhnlevegen og Moberg er råka.
– Tapp vatn no!
Vasstrykket er redusert, men det er førebels halde litt trykk ope.
– Dette er så folk kan pussa tenna og ta anna naudsynt bruk av vatn.
– Dei som no har redusert trykk bør fylla nokre flasker, kanner og liknande, så dei har vatn ei stund. Om utbetringa tar lang tid vil vi setja ut vassvogn. I så fall sender vi ut ny melding, seier Paus.