Stor stemning i Sogndal
Os og Nore Neset er godt representert på årets Sognefjord Lerum Cup. Fredag var det konsert med Tone Damli, laurdag var det derby og i dag har begge klubbane lag som kjempar om medalje.
Bildeserie:
Oppdater: Nore Neset J99 og Os G99 vann kvar sitt gull! Midtsiden kjem tilbake med meir.
Denne helga er Sogndal fylt med fotballspelarar frå Osbygda. Medan spelarar frå Os Turn har samla seg med overnatting i klasserom på Fosshaugane har Nore Neset lagd leir for foreldre og spelarar på Vesterland i nabobygda Kaupanger.
Sognefjord Lerum Cup er for spelarar frå 11 til 14 år, både 7-ar og 11-ar, med sluttspel for 13- og 14-åringane.
14-åringane til semi- og finale
Dei som har gjort det best frå Osbygda er dei eldste jentene og gutane, Os smågutar 14 og Nore Neset småjenter 14.
Nore Neset sitt jentelag har vunne 5 av 5 kampar i eit sluttspel med éin stor pulje.
Siste runde søndag morgon blir avgjerande for 1. plassen, der Nore Neset må klara minst uavgjort mot NBK for å ta gull.
Os stlte med to lag i SMG14, der det eine møtte Nore Neset til derby i siste innleiande runde. Nore Neset fekk keeper utvist, men hadde heldigvis ein keeper som einaste reserve.
Os vann, blei puljevinnar og slo Fana 1-0 i kvartfinale laurdag kveld. Søndag er det semifinale mot Askøy.
G13 til kvartfinale
I 13-årsklassen, som har første år med tabell i serien og sluttspel på cup, tok Os sitt smågutelag seg fint til A-sluttspel som puljevinnar.
I 1/8-finalen blei det 3-0-siger over Gneist, men i kvartfinalen blei det 0-2-tap for Åsane.
Os sine småjenter 13 hamna i ei tøff pulje og klarte ikkje å ta poeng i innleiande runde, men speler semifinale i B-sluttspelet søndag.