Lokal | 05. des. 2013
Stor stein stenger veg
Søvikåsen stengt: Ein stein på cirka eit tonn har rast ned på Ole Bulls veg.
Kjetil Vasby Bruarøytorsdag 05. des. 2013 15:07
Torsdag i 14-tida fekk teknisk vakt i Os kommune melding om ras i Søvikåsen.
– Ein stor stein har rast ned i vegen. Steinen er truleg rundt eit tonn, seier Hong Nguyen frå Os kommune.
– I tilfelle fleire ras i uvêret som er meldt har vi stengt vegen.
Steinen raste ned på Ole Bulls veg, FV 163. Det er omkjøring på FV 161 gjennom Åsen.
– Vi ventar med å fjerna steinen til vinden har roa seg, opplyser han.