Stor oppslutning om UKM
Påmeldingsfristen til UKM er gått ut, og ei rekkje osingar skal boltra seg på scenen i Sævareid om vel ei veke.
Den årlege kulturfestivalen for ungdom i Os og Fusa vert arrangert søndag 14. februar på ungdomshuset Breidablikk i Sævareid. Arrangørane melder om god respons og mange påmeldte deltakarar.
Stor breidde
Per no er det 14 ulike innslag i sceneprogrammet med god fordeling på musikk, teater og dans. Det vert også film på programmet. Fleire ungdomar både frå Os og Fusa som har meldt seg på til å vera med på arrangørsida, både som konferansierar, medlemer i nettredaksjon, jurymedlemer og ulike praktiske oppgåver.
Aktivt ungdomsråd i Fusa
– Medlemene i ungdomsrådet i Fusa er sterkt involvert i arrangementet, og dette gjer at vi denne gangen har lukkast godt med å få ungdomen til å ta ansvar for gjennomføringa, seier Erik Vangsnes ved kulturkontoret i Fusa.