Lokal | 09. apr. 2013
Stoppa pengekrangel
Ein mann som blei plaga av ein privat "kreditor" ba måndag kveld politiet om hjelp.
Kjetil Vasby Bruarøytysdag 09. apr. 2013 09:30
Måndag i 21.30-tida blei politiet kontakta av ein som følte seg plaga av ein annan mann.
– Han hadde ein mann utanfor huset sitt som gjekk og banka på dører og vindauge, fortel politiførstebetjent Audun Hadler-Olsen.
Politiet fekk namnet på mannen som gjekk og banka på, og ringte til han.
– Vedkomande sa han var på jakt etter pengar som meldar visstnok skulda han. Men han var samarbeidsvillig og sa han ville gje seg med å banka på vindauga og heller ta kontakt på ein annan måte seinare.
Partane er menn på rundt 40 år. Det skal ikkje ha vore snakk om trugslar.