Stoppa bil grunna fart - test gav fleire utslag
Tok beslag i førarkortet til mann i 50-åra.
I 01.50-tida natt til måndag stoppa politiet ein bilist.
– Patruljen reagerte på at vedkomande køyrde fort. Førar blei stoppa i Byvegen nær Idrettsvegen og kontrollert, opplyser vakthavande ved Bjørnafjorden politistasjon.
Test av førar, ein mann i 50-åra, gav utslag på lågpromille og teikn på annan rus. Spyttprøve gav utslag på fleire stoff.
– Det blei tatt beslag i førarkort og oppretta sak.
Tidlegare på natta, i 01-tida, blei ei ung dame stoppa og kontrollert. Ho fekk pålegg om å utbetra dekka sine, då dei hadde lite mønsterdjupne.
Laurdag formiddag i 11.20-tida viste politiet vekk ein ruspåverka mann i 20-åra frå Os sentrum.
Årsaka var ordensforstyrring.
På kvelden laurdag, i 23.50-tida, stoppa politiet eit utanlandsk køyretøy.
– Vi hadde fått meldingar tidlegare om at køyretøyet kunne ha vore involvert i ulike typar kriminalitet. Alt blei funne i orden i bilen, som var på veg ut av landet.
