Lokal | 03. apr. 2014
Stolen bil funnen i Bergen
Ein bil som blei stolen på Søre Neset blei funnen igjen i Bergen. Ei jente som i går blei meldt sakna har også kome til rette.
Kjetil Vasby Bruarøytorsdag 03. apr. 2014 09:10
Natt til onsdag blei ein Suzuki Grand Vitara stolen på Søre Neset. I løpet av onsdagen blei bilen funnen i Bergen.
– Ein mann i 20-åra er pågripen og er mistenkt i saka. Mannen kjem ikkje frå Os, fortel politioverbetjent Audun Hadler-Olsen.
Mannen har ikkje førarkort og er dessutan mistenkt for å kjøra i rusa tilstand.
Sakna tenåring
Onsdag blei det lagt ut og delt ei etterlysing på facebook av ei tenåringsjente frå Os.
Jenta skal sist ha vore sett på måndag.
– Jenta tok sjølv kontakt og har no kome til rette, fortel politiet.