Stole grep og trinser

I vinter blei 90 klatregrep skrudd ned frå veggen på Kuventræ skule. I løpet av våren har trinsene til nettet på sandvolleyball-banen blitt demontert og forsvunnen to gongar.

– Seinast i helga for snart 14 dagar siden forsvann dei nymonterte trinsene.

– Dette er ikkje hærverk, men planlagt tjuveri, fortel inspektør ved Kuventræ skule Kjetil Gulbrandsøy.

– Kjemperart

Volleyballnettet blei hengt opp i mai, men fekk ikkje henge lenge i fred før det låg i sanda.

– Det heile er kjemperart.

– Sjølve nettet dei latt ligga igjen, men trinsene og tauverket har dei tatt med seg.

– Dette må jo naturleg nok tatt noko tid å demontera, så om folk har sett noko så gi beskjed, oppmodar Gulbrandsøy som vil melda tjuveria til politiet.

Gulbrandsøy mistenker at det er nokon som skal nytta trinsane ein annan stad som har vore på ferde.

– Det er jo ikkje det dyraste utstyret, men eg kan ikkje skjønne at dei stel desse utan at dei har tenkt å nytta dei ein annan stad, seier ein oppgitt inspektør som fortel at utstyret fekk henga urørt i heile fjor sommar.

90 klatregrep

Tjuveriet av trinsene er ikkje det einaste som har forsvunne frå skulen.

– Tidlegare i vinter oppdaga vi at 90 av klatregrepa på eine skuleveggen var vekke.

– Desse er jo skrudd fast i veggen, så også der må jo tjuvane tatt seg god tid og hatt med skikkeleg utstyr, trur Gulbrandsøy.

Også det tjuveriet er meldt til politiet.