– Stødig heile vegen

På ei perfekt bane, i strålande sol arrangerte Bjørnefjorden Golfklubb klubbmeisterskap i helga.

– VI har ikkje vore bortskjemt med slike tilhøve som vi hadde i helga.

– Banen er i utruleg god stand om dagne, eg trur ikkje eg har opplevd den slik sidan eg byrja å spele golf for fleire år sidan.

– Når vi i tillegg får vêrgudane med oss, så måtte det berre bli bra.

Må betra kondisen

Kampen om trona blei ein kamp mellom unggutane Alexander Heggland og Anders Engelsen mot veteran og pro Sverre Marcelius.

– Sverre hadde tatt dette om han hadde vore i betre form.

– Første 18 hol, gjekk han to under par, men på dei siste 18 laurdag gjekk han på +8.

– Når han så går på minus 3 på sundagen, så kan eg ikkje skjønna anna enn at kondisen sviktar på laurdag, analyserer Hodneland.

Stabiliteten sjølv

Ein som har kondisen i orden er ungguten Alexander Heggland.

– Alex er ufatteleg jamn. Han har 11 birdies, 9 bogies og ein dobbel-boggy, resten på par og endar på par etter dei tre rundene.

– Han spelar så stødig golf at det er ein fryd å sjå på, fortel den daglege leiaren.

Heggland vann meisterskapet, tre slag framfor Marcelius med Anders Engelsen på tredje plass 13 over par.

Få kvinner med

Medan det på herresida stilte 40 spelarar til start, var det på kvinnesida berre fem deltakarar.

– Vi slit litt med at dei unge talenta forsvinn når dei kjem opp i 18-19 årsalderen. Studier og jobb tek nok mykje tid, trur Hodneland.

Vann dameklassa gjorde Mia Helen Hansen Hjelle på + 41 framfor Susan Heggland (+46) og Charlotta Strandmark (+46, men med dårlegare siste 18 hol)