Stipend til Ingrid og Annika
Norsk Tipping kom i går til Oseana for å dela ut Drømmestipendet til to talentfulle jenter frå Os.
Bildeserie:
Etter danseframsyninga Høgt, låg og litt sånn midtimellom i Oseana torsdag kveld kom ein representant for Norsk Tipping, ordførar Terje Søviknes og kultursjef Lisbeth Axelsen for å dela ut stipend, diplom og blomar til Ingrid Lyssand Rosvold og Annika Svendal Os.
Dei to har søkt på og fått tildelt Drømmestipendet, eit stipend på 10.000 kroner frå Norsk kulturskoleråd og Norsk Tipping som årleg blir delt ut til 100 unge aktørar innan dans, musikk, teater, skapande skriving og visuell kunst.
Kunst og dans
– Det er første gong eg får stipend, seier Annika, som fekk tildelt stipend for visuell kunst.
Annika, som også driv med dans, er blant anna vidare til riksmønstringa i UKM med teikningane sine.
Ingrid er tidlegare tildelt Partas-stipendet. Ho fekk Drømmestipendet i kategorien dans og vil blant anna bruka pengane på ekstra privattimar.
Sentral jury
– Det er ikkje første gong osingar har fått Drømmestipendet, men det er første gong dei er tildelt stipendet medan dei framleis er elev ved Os kulturskule, sa rektor Christian Breistein under tildelinga i går.
Drømmestipendet skal vera med på å synleggjera kommunane sitt arbeid for barn og unge.
– Dei lokale kulturskulane kjem med uttale, men det er ein jury sentralt som avgjer kven som får stipendet, fortel Breistein.