Stiller sterkt i Stavanger
Rundt 50 osingar lurte ekstremvêret «Tor» og sit ringside under verdscupen på skøyter i Sørmarka Arena.
Bildeserie:
Då Midtsiden saman med Travelnet Os Reiserbyrå sette opp pakketur til Stavanger var det 21 som meldte seg på. I tillegg var det fleire som køyrde i eigne bilar torsdag kveld og fredag morgon for å unngå orkanen «Tor» som var varsla frå fredag ettermiddag.
Midtsiden-bussen reiste frå Halhjem klokka 10 og hadde maks flaks. Etter ein ståande tissepause på Aksdal rakk vi blant dei siste som trilla inn på ferja frå Arsvågen, som viste seg å bli den siste avgangen over Boknafjorden denne ettermiddagen.
9. plass og semifinaletap
Fredag var det stor stemning i Sørmarka Arena. Sportsleg blei det ikkje full klaff, verken på isen eller på sportsbar på Beverly, der Noreg nesten tok seg til EM-finale i handball. Men med godt selskap og nederlandsk trøystemusikk frå ei livleg supportargruppe frå tresko-landet held osingane motet oppe.
Snart går turen frå Scandic Park til Sørmarka for Sverre Lunde Pedersen sin 5000 meter.
Som det står på supporterbanneren vår: Yoo kann do it!
Følg Midtsiden på Instagram for bilde og videoar frå turen (og for seinare feed frå heimbygda).