Stian vann Osløpet
Trass regntung start på dagen blei det over 250 deltakarar i Osløpet 2018.
Bildeserie:
Osløpet, som starta opp igjen i fjor, fekk ein våt start i år. Det hindra ikkje deltakarmengda i nesten å tangera 2017.
– Vi gjekk litt ned på mengde deltakarar i barneklassen og på hovudløpet, men auka frå 12 til 15 stafettlag, fortel Svein Hausberg frå Os Turn friidrett.
Deltakarar per klasse (2017 i parantes)
• Barneløpet 126 (140 i fjor)
• Stafett 15 lag a 5 løparar: 75 (60)
• Hovudløpet 6,5 km: 54 deltakarar (66)
Totalt blei det 255 deltakarar mot 266 i finvêret i fjor.
Barneløpet var delt i tre startar, 3-6 år (48 deltakarar, 7-9 år (45) og 10-12 år (33).
I stafett mix (11 lag) var det to lag frå arrangørklubben som stakk av med 1. og 3. plass, mens Nore Neset ungdomsskule fekk 2. plass.
Her hadde lærarar frå Nore Neset barneskule utfordra dei andre skulane i Os, noko som var med på å dra opp deltakarmengda. Nore Neset barneskule kom på 4. plass.
I stafett herre (2 lag) vann FanaAgro, men eit gutelag frå Os Turn, Team Fortnite, tok 2. plassen.
Stian og Cecilie vann hovudløpet
Stian Bråten Johannessen stakk av med sigeren i Osløpet 2018.
– Det er nok rundt 30 sekund bak løyperekorden Geir S. Skaten sette i fjor, men det raskaste eg har løpt på, seier Stian til Midtsiden.
Raskaste kvinne var Cecilie Hagen. Ho kom på 2. plass i fjor, i år skjerpa ho tida si med 50 sekund og kom i mål på 29 blank.
– I fjor hadde eg akkurat starta treninga igjen etter tre månadar utan, så no er formen tilbake til normalen. Men eg får nok tøffare konkurranse neste år, då reknar eg med vinnaren frå i fjor, som no er gravid, er tilbake igjen på deltakarlista.
• Komplett resultatliste på eqtiming.no
Midtsiden kjem tilbake med fleire bilde om meir om dei ulike klassane.