Stengt grunna taktrøbbel
Eit brak og nokre øydelagte skiljeveggar fekk Bohus til å stenga dørene og bestilla rydding av snø på tak.
Bildeserie:
Onsdag 24. februar blei den store takdagen i Os. Kommunen anbefalte sjekk og bestilling av snørydding på tak, Os vidaregåande skule sikra svalgangen sin, og i fleire bustadfelt i Os har naboar stått side om side og skuffa snø i høgda.
På Bohus har dei også moka snø i dag, men litt for seint.
- Klokka 13.40 ringte dei meg frå butikken. Dei hadde høyrt eit stort brak og fleire skiljeveggar i butikken var rett og slett knekt, seier logistikksjef hos Bohus på Os, Kjell Engelsen Moberg.
Bohus ringte byggmeisterfirma og forsikringsselskap. Kort tid seinare var butikken stengt.
- No har vi ti mann i arbeid med å rydda snø på taket, så får vi håpa på at vi kan opna butikken igjen i morgon, seier Moberg.