Stenger Ulvensletta
Frå klokka 22 måndag kveld kan du ikkje passera Rolls-Royce med bil. Årsak? Vasslekkasje.
Fylkesveg 160 blir stengt frå måndag kveld. Vegen blir truleg stengt fram til tysdag morgon.
– Årsaka er lekkasje i ein vassleidning, seier leiar for teknisk drift i Os kommune, Marianne Kramer.
Nokre skilt har allereie kome opp og arbeidet startar snart.
– Vi stenger vegen cirka klokka 22, seier teknisk vakt Robert Flister.
– Det er ein liten lekkasje i ein vassleidning som kryssar vegen og går mot Skeie og Hagavik. Det er ein 300 mm tjukk leidning så den må reparerast før den sprekk.
– Opnar vegen før folk skal til jobb og skule i morgon?
– Vi jobbar til vi er ferdig, men vi har nok god margin viss vi seier at vi er ferdig før klokka 6 tysdag morgon. Vi veit aldri, men folk kan nok rekna med at vegen er open i morgon tidleg.
Vil du frå Os til flystripa eller klubbhuset til jakt- og fiskelaget så går det fint, men frå Rolls-Royce til næringsområdet ved Irgenskrysset blir det stengt.