Stenger sentrumskjerna for biltrafikk laurdag

I samband med markering av Mobilitetsveka 2021 vil Os sentrum vera stengt for biltrafikk frå klokka 8.30 til klokka 16 laurdag 18. september, opplyser Bjørnafjorden kommune.

Sentrum blir stengt for biltrafikk fire stadar. Sjå kartet over.

Europeisk mobilitetsveke 2021 har temaet «bærekraftig transport», med slagordet «hold deg sunn - reis bærekraftig».

Mobilitetsveka skal markerast med blant anna gratis uteyoga på Oseana og gratis sykkelservice på Osøyro. Det kan bli ekstra mange syklistar i sentrum denne dagen.

Vilvite kjem også, og skal halda show utanfor rådhuset.