Stengde Sundøybrua måndag morgon
– Vi ser at det står feil i varselet.
Fleire blei overraska då «Vetlabruo» mellom Sundøya og Bruarøy måndag morgon var stengt.
Skilt skal ha kome opp kort tid i forvegen.
– Vi skal ha varsla på vanleg måte, som er via 175.no 48 timar i forvegen, seier trafikkoperatør Jørgen Bødtker i Vegtrafikksentralen.
Årsaka til stenginga er ikkje noko akutt, men rutinemessig inspeksjon som krev bruk av ein bru-lift som vil stenga brua.
I kart på vegvesen.no står området markert med følgjande tekst:
Fv 5150 Sundøy II i Bjørnafjorden, Vestland
Vegarbeid, vegen er stengt, gyldig mellom 22.08.2022 08:28 og 22.08.2022 10:52. Manuell dirigering. Utrykningskjøretøy kan passere på signal fra dirigenter. Rutegående buss vil ikke bli påvirka. Vegen er stengt mellom kl 08:28- kl 10:52
Starttid: 22.07.2022 kl. 00:00
Beregnet sluttid: 26.08.2022 kl. 23:00
– Eg ser no at varselet er feil. Stenginga gjeld berre desse timane måndag morgon, ikkje i ettermiddag og ikkje resten av veka, fortel Bødtker.
Midtsiden har fått ei rekkje klagetelefonar på at verken butikk, fabrikk eller heimesjukepleie/heimetenestene var varsla om den komande stenginga av brua.
Vi kjem tilbake med eiga sak om dette og svar frå Vestland fylkeskommune.
