Stal pc medan eigaren søv
Fredag morgon, etter at kvinna i huset hadde gått grytidleg på jobb, tok nokon seg inn den ulåste døra og stal pc-ar og lommebok.
Fredag morgon fekk politiet melding om tjuveri frå eit husvære i Industrivegen.
– Det skal ha skjedd mellom klokka 5 og 7 fredag morgon, fortel politiførstebetjent Tom Johannessen.
Nokre pc-ar og ei lommebok er sakna frå husværet.
Gjekk tidleg på jobb
Etter det Midtsiden kjenner til skal ein av dei tre som bur i husværet, som ligg i andre etasje i Fløysand sitt bygg, ha gått tidleg på jobb.
Truleg har vedkomande ikkje låst døra, sidan dei andre snart skulle stå opp. Men då dei to andre vakna var ps-ane og ei lommebok vekke.
Observasjon og tips
– Minst éin person skal ha blitt observert i området. Men vi er interessert i fleire tips, seier Johannessen.
Du kan tipsa politiet på 48002480.