Stal måleinstrument

Politiet har fått melding om tjuveri av fleire måleinstrument frå byggeplassen ved Oseana.

– Instrumenta blei tatt ein gong mellom torsdag og laurdag i førre veke, fortel politibetjent Tom Johannessen.

Ein luftsjokkmålar og tre loggarar er blant det som er tatt, utstyr for fleire titals tusen kroner.

– Om nokon har sett noko, eller kjenner til noko som kan vera relevant til denne saka, er vi takksame om dei tar kontakt, seier Johannessen.

Utstyret sto på Mobergsvika-sida av Oseana, der det er sprengearbeid i forkant av ombygging og utbetring i tråd med krav frå Arbeidstilsynet.