Stakk frå politiet i 120 km/t
Éin 19-åring blei tatt med promille, ein annan 19-åring, utan førarkort, stakk av frå politiet.
I 1-tida natt til søndag låg politiet bak ein BMW på Lepsøyvegen ved Os Lakk og Karosseri.
Politiet viste signal for at bilen skulle stoppa, i staden gav bilførar gass.
– Han stakk av i høg fart. Patruljen har ei måling på han på 120 km/t i 50-sona, fortel politiførstebetjent Audun Hadler-Olsen.
Politiet fann bilen parkert, men då hadde førar stukke av. Etterforsking leia dei likevel fram til ein 19-åring, som er mistenkt for både å ha kjørt bil utan førarkort, for å ha stukke frå politiet og for kjøring i 120 km/t i 50-sona.
Tatt med promille
I 3.30-tida i natt stoppa politiet ein bilførar i Hagavik.
Vedkomande, også det ein gut på 19 år, blei målt til 0,5 i promille.
– Guten er meldt og det blei tatt beslag i førarkortet.