Bjørn Moberg, Siri Berge og Asbjørn Petter Hjelmdal har henta grana i Erling Askvik sitt terreng på Hovland.
– Vi fann i grunn eit ferdigpynta tre, med masse flotte konglar, men sjåføren køyrde så hardt at no er det ingen konglar igjen, humrar Bjørn Moberg.
I løpet av veka skal treet pyntast og tennast.
– Grana vil nok bli pynta på onsdag og så blir det mest sannsynleg tenning av lys på fredag, seier Moberg.
![Bjørn Moberg har lange armar som må i bruk for å renska holet. (Foto: ØH)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2Fe7636ca1d2b830620ab29bc73f70f7746a9a95b7-1140x760.jpg%3Frect%3D0%2C38%2C1140%2C684%26w%3D752%26h%3D451%26q%3D100%26dpr%3D2&w=3840&q=75)
Uønska av myndigheitene
Sitka-arten vart introdusert til Noreg for meir enn hundre år sidan. Arten var lenge populær, men den er no ikkje lenger ønskt av styresmaktene. Det er ikkje lenger lov å utplanta arten i Noreg, utan særskilt løyve.
– Vi er klar over at dette er ein spesiell type gran. Den stod i eit hogstområde som sikkert vart sådd for over tredve år sidan. I tillegg kan dette vera ein som har frøa seg sjølv, påpeiker Bjørn Moberg.
– Dette er ikkje noko bevisst val frå vår side, men vi må ta hensyn til kor granen står og at den er tilgjengeleg for oss med kranbil, seier Moberg.
![Siri Berge må trimma botnen av treet før den får plass i holet. (Foto: ØH)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F6663f1e81dcfe9d927e1d47808a3a74ecf675189-1140x760.jpg%3Frect%3D0%2C38%2C1140%2C684%26w%3D752%26h%3D451%26q%3D100%26dpr%3D2&w=3840&q=75)