Sperra Storumbakken
Tysdagen bydde på brann i varmepumpe, «haste-kapping» av rotvelta tre og uheldig sving i Storumbakken.
Tysdag ettermiddag blei Lepsøyvegen FV 158 sperra av ein lastebil med hengar.
Lastebilen svingte mot Øyane i Storumbakken, ein sving som viste seg å bli for krapp, og hengaren glei av vegen.
Det heile løyste seg rimeleg kjapt og politiet har ikkje blitt varsla om episoden.
Tok motorsaga i eigne hender
Fredag fortalte ein Midtsiden-lesar om eit rotvelta tre som har hengt over Ulvenvegen i to veker, og om resultatlause forsøk på å få kontakt med vegvesenet.
I går blei treet felt.
– Det tok tid, for det blei ein diskusjon mellom vegvesenet og grunneigar om kven sitt ansvar det var å fjerna treet, fortel politioverbetjent Audun Hadler-Olsen.
– Vi ville ikkje venta lengre, så vi sperra vegen og brannvesenet stilte opp og fekk treet felt.
Brann i varmepumpe
I går fekk politiet ettermeldt ein brann.
– Ei varmepumpe tok fyr. Eigar sløkte sjølv, men varsla oss etterpå, fortel Hadler-Olsen.