Speler NM-finale i dag
NRK1 kl 14.50: Laurdag mottok Åsne Takle Eide bronsemedalje i Toppserien, i dag er ho kaptein i finalen i fotball-NM for junior.
Osing og Arna-Bjørnar-spelar Åsne Takle Eide mottok i går, saman med resten av seniorlaget, bronsemedalje etter at Arna-Bjørnar landa på 3. plass i årets Toppserie.
Stabæk vann serien, 17 poeng framfor Arna-Bjørnar, LSK kom på 2. plass, 11 poeng framfor.
Men i dag blir det edlare medalje, sølv eller gull, når Åsne og resten av juniorlaget til Arna-Bjørnar skal prøva å forsvara NM-tittelen frå i fjor.
I fjor slo dei Stabæk 4-0 i finalen, i år er det Grand Bodø som er motstandar.
Arna-Bjørnar tok seg til finale ved å slå Klepp 2-1 på bortebane. Åsne, som speler back, hadde målgjevande pasning på 1-0-målet til Arna-Bjørnar.
I den andre semifinalen vann Grand Bodø 1-0 borte over Stabæk.
Kampen blir sendt direkte på NRK1 frå klokka 14.50 i dag.