Speler finale på Sør Arena
Fædrelandsvennen sender direkte når jenter 14 frå Nore Neset onsdag speler finale i PlussbankCup.
Småjentelaget til Nore Neset, som kom på 2. plass i 1. divisjon i årets vårserie, gjer det skarpt i PlussbankCup i Kristiansand.
– Vi starta med 1-1 mot Bryne i første innleiande kamp, men så blei det 6-0 over Donn og 3-2 over Baune, fortel Jarle Heltne, pappa og med i trenarapparatet rundt jentene.
I kvartfinalen vann dei 2-0 over Lia, i semifinalen blei det 1-0-siger over Mandalskameratene.
– I finalen møter vi Klepp, som slo oss 5-0 i kvartfinalen i fjor. Men vi har tru på at vi skal slå dei i år, vi er eit langt betre lag enn for eitt år sidan, seier Heltne.
Klokka 10 onsdag formiddag speler Nore Neset finale mot Klepp på Sør Arena, ein kamp Fædrelandsvennen sender direkte på nett.